Rowne/Rohne. Na Njepilic dwórje su měli 28. julija cłonki spěchowańskego towaristwa „Njepilic dwór z. t.“ swóju lětnu głownu zgromaźinu. Nejwažnjejšy dypk jo był pśigótowanje 18. dwórowego swěźenja na Njepilic dwórje 24. septembra. Cłonki su wšykne pśigłosowali programoju a pśedsedaŕ Manfred Nickel jo se wjaselił, až zgromaźina jo była taka krotka a bźeze problemow. „Wažne jo ga pśecej póstajenje zagronitych luźi za take zarědowanje“, jo k tomu gronił. „Smy mjaztym wuknuli z našych nazgónjenjow a smy wšyknym wobźělnikam lětneje głowneje zgromaźiny plan pśedpołožyli, kótaryž se kužde lěto wóspjetujo. Což groni, až kuždy pomagaŕ wě, kak a źo by dejał pomagaś.“

Jasnje jo, až Njepilic towaristwo njamóžo sam wšykne te pśigótowanja wugbaś. Wjele pomocnikow z towaristwow, wót wognjoweje wobory a wót gmejny stoje k dispoziciji.