Pśisud stajijo basnikoju na kšomje moderneje serbskeje poezije pśeliš surowe granice a tragiske zemske byśe:

– Dari jomu jano 27 žywjeńskich lět.

– Jogo twóriśelski cas warnujo styri krotke lěta (1935-1938).

– Poet Jurij Chěžka wobraźijo serbskej literaturje jano 54 basnjow.

Nejžpjerwjej pak kiwa gluka. Gólack spušćijo jěsno domacnu serbsku wjasku (Hórki pla Kamjeńca), ga dajo se jomu stipendij za Arcybiskopski gymnazij w Praze (1929-1937).

Ale južo studij bohemistiki, germanistiki a sorabistiki na Karlowej uniwersiśe w Praze pśetergnjo se, ako zajmjejo (verhaften) se Chěžka w nalěśu 1939. Ten študańc jo Gestapo znaty był ako „wendischer Aktivist“. Hitlerska Nimska běšo Českosłowaksku republiku 1939 wobsajźiła. Wót nazymy sem musy wón we fašistiskem wójsku słužyś. W oktoberje 1944 co se k partizanam pśederiś, pśi tom namakajo blisko serbiskego města Kragujevac smjerś.