Domowina je wudała nowy numer łopjena „Naša Domowina“, we nakłaźe 7.000 eksemplarow, ak budu se rozdźělowaś cłonkam Domowiny direktnje. Tenraz źo wó iniciatiwu Minority SafePack. Teke pódpismowa lisćina jo pśidana. K temam wudaśa słuša tejerownosći mjazynarodny folklorny festiwal Łužyca.

Cel iniciatiwy Minority SafePack jo, Europsku komisiju k tomu spóraś, aby aktiwnje do dialoga z narodnymi mjeńšynami Europy stupiła a jich nastupnosćam kaž teke mjeńšynowym rěcam wětšu wažnosć dała. Za to zběra Federalistiska unija europskich narodnosćow (FUEN), źož jo teke Domowina cłonk, až do 2. apryla 2018 pódpisma. „Trjebamy 1 milion pódpismow ze 7 krajow Europy, aby ten cel dostali. Ja pšosym wšykne naše cłonki w župach a towaristwach, w Domowinskich kupkach, młoźinskich klubach a w chorach, aby to pśedewześe ze swójim pódpismom a pśez zběranje pód­pismow pódpěrali“, jo gronił pśedsedaŕ Domowiny Dawid Statnik. Wón buźo se z pśedsedarjami župow a towaristwow zmakaś a co teke drugim interesentam na pšašanja wótegranjaś: tel. 03591 550-102; e-mail: ).