Chóśebuz/Cottbus. Zachadne pónjeźele jo Domowina pšosyła kandidaty wólbnego wokrejsa Chóśebuz-Sprjewja-Nysa na forum, ako kśě tudojske we Zwězkowem sejmje zastupowaś. How su wótegranjali na pšašanje Serbow – a diskutěrowali. Torsten Mak (za „Die Partei“), ak njejo mógł pódla byś, jo pisnje wótegronił. Ten wjacor jo moderěrował pśedsedaŕ Domowiny Dawid Statnik. Dobra powěsć: Wšykne kandidaty su se wobjadnje póznali, až kśě serbske nastupnosći w parlamenśe pódpěraś a su serbskemu ludoju wjelgin pśichylone. Rozdźěle su se pokazali we tom, kak derje su južo wopóznate ze serbskimi pótrjebnosćami, a tež we wobchadanju z brunicoweju problematiku.

Statnik jo diskusiju zachopił z pšašanim, co jo trjeba, aby narodne mjeńšyny byli lěpjej zastupjone na zwězkowej rowninje. Jo-li docełego take zastupnistwo trjebne?