Hyšći se wšuźi mócnje diskutěrujo, lěc dej byś ta wokrejsna reforma w Bramborskej, lěc trjebamy napšawdu wětše wokrejse. To zwaźenje a grakanje jo wjelike. Kněžarstwo – to groni tej kněžecej partaji SPD a Lěwica – co pak tu reformu na kuždy pad pśesajźiś. Nejskerjej su teke pla Serbow a Domowinskich cłonkow měnjenje a mysli k tomu wšakorake, take a hynakše.
Lěcrownož njamóžo Domowina tam na kóńcu sobu rozsuźiś, dej wóna byś na to pśigótowana, pśeto take pśestruktuěrowanje cełego politiskego a komunalnego žywjenja změjo swóje konsekwence za źěło Domowiny a docełego za cełe serbske žywjenje w Dolnej Łužycy.