Chóśebuz/Cottbus. Šula za dolnoserbsku rěc a kulturu jo pětk pśed dwěma tyźenjoma w Měsćańskem domje dostojnje swěśiła 25lětny jubilej swójogo wobstaśa. Na ten swěźeń jo pśišło wó 180 gósći: docentow, wuknikow a partnarjow šule, zastupnikow serbskich institucijow a politikarjow – mjazy drugim wótpósłany nimskego parlamenta dr. Klaus-Peter Schulze (CDU) a wótpósłana bramborskego parlamenta Kerstin Kircheisowa (SPD) kaž teke tencasny wušy šołta města Waldemar Kleinschmidt (CDU).