W janšojskem muzeju su gano pśepšosyli na wósebny workshop. Ideja jo pśišła wót Christiny Kliemoweje wót Serbskego muzeja w Chóśebuzu, aby gódne staśiwy (Webstuhl) teje bóžko pśeliš jěsno zamrěteje tekstilneje wuměłcowki Ellen Lehmann znowotki k žywjenju spórali. Wochylna wjednica janšojskego muzeja Diana Susanne Šejcowa ga se z wjelikeju zagórjetosću zaběra ze starymi tradicionalnymi tekstilnymi technikami. Toś jo tu ideju załapiła a drugich za to dobyła. Na prědnem workshopje stej se drje jano dwě „wuknjeńcy“ wobźěliłej, ale rowno pśez to stej mógałej intensiwne wuknuś.