K swěźenju 65 lět Dolnoserbskego gymnaziuma 9. septembera

Wót pśijaśelki som zgóniła pśez facebook, až zas buźo swěźeń na Dolnoserbskem gymnaziumje. We zachadnosći som rada šła na jubileje šule a se wjaseliła na zmakanje z něgajšnymi rědowniskimi towarišami. Wjele jich ga bydli daloko pšec. Jadna jo ekstra pśijěła z Belgiskeje, drugi wót francojskeje granice a dalšna z Baden-Württembergskeje. Smy se myslili, až to buźo rědne zgromaźeństwo a dobra góźba, se zasej wulicowaś a wiźeś, kak šula jo se wuwiła. Smy se woglědali twarjenja, rědowniske jśpy a prezentacije. To jo se nam spódobało.