We našom rěźe wó starjejšych, ako powědaju wěcej ako jadnu rěc ze źiśmi, cytaśo źinsa interview z Hanzom Wylem-Kellom. Wón jo wjednik pśedewześa „Energieautark GmbH“ a dolnołužyski powědaŕ iniciatiwy Serbski Sejm. Wón bydli z familiju we Huštanju (Wüstenhain). Z nim jo powědała Stefanie Krawcojc.

Nowy Casnik: Kněz Kell, kaka jo Waša familijowa situacija?

Hanzo Wylem-Kell: Som žywy ze žeńsku Sandru a młodšyma góleśoma we wjasce Huštań, ako słuša k Wětošowu. Smy z Lipska pśiśěgnuli pśed dwěma lětoma. Wušej togo mam syna Milana a źowku Lejnu z prědnego manźelstwa.

Kak stare su Waše źiśi?

Milan jo 19 a študěrujo medicinu we Halle. Lejna jo 17 a pśigótujo se na abituru. Wanda jo 5 a Janoš 2,5.

Wót źo pochadaśo?