Witaj do nas, klapotak!

Awtor: Peter Jannasch srjoda, 15. nowember 2017
Wylem Šybaŕ gratulěrujo Hahü k 75. burstagoju a namólujo jogo z ironiju ako ADONISA, což jo w mytologiji jaden pśewšo rědny młoźeńc. A ten ma strusack w ruce, ako jo jomu jogo lubka Wenuša, ta bogowka gjartnarstwa, dariła. Šybaŕ pišo: „Lieber Hans“! Heißen Dank für die guten Wünsche zum Siebzigsten (Šybaŕ došwyrnjo 21. młošnego 70) und herzliche Glückwünsche zum 29.11.67. WŠ Kittler war da. Bilda: Wylem Šybaŕ, z archiwa Pětša Janaša

Gaž bližy se to nalěśe,

te bóśony k nam pśileśe.

A ma-li wjas tog pyskaca,

pón maju źiśi wjasela.

Tek ducy tam wót Afriki

jo kužde lěto Janšojški.

We šulskej jśpě jo pśiglědał

ten ceptaŕ a se smjejkotał:

„Ja budu to ned napisaś,

to muse luźe pózdźej znaś,

ga sam som měł tśi kokoški,

ak bóśony su łapili.

Toś wuliceńko w Pratyji

do serbskeg kraja źi, jan źi!“

*

Nět w Bóžem raju wusoko

se wjaseli a smjejkoco,

Hahü, až bóśony zas su

how byli na tom wugenju.

Tak dłujko ak tam wugeń jo,

ten bóśon na njom tronujo.

Te cerkwinske se gniwachu,

ga bóśony wšo nasrachu.

Tśi raz su górjej zalězli

a jim to gnězdo wótryli.

Ten bóśon-nan se jano smjejo:

„To natwariś ga śěžko njejo.

A za to złosne wótryśe

wšak myslimej na pomsćenje:

Toś słuchajśo: Mej comej něto

tśi góletka měś kužde lěto.

A gaž te dny pón mimo su,

ma bóśonka how Kita-śpu.“

Ten faraŕ drapjo se za plěch:

„Jo to nět gluka abo grěch?

Mój Bog, zas wěcej bóśonkow

ak we jsy tuder góletkow!“

Glich bóśonowy nan se smjejo,

a mudrujucy mejlku sćelo:

„Kněz faraŕ, to doch śěžko njej,

gaž nan a baba pilnej stej.“

*

Toś źejo žabkec stara mama:

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś