W Hochozy su sobotu byli gódowne wiki, ned pśi grajkanišću. Wjelgin se za to staraju starjejše jsy. We slědnych 12 lětach jo jadna kupka starjejšych to organizěrowała, někak 6 familijow jo to było. „Ale zapšawom su wšykne starjejše jsy byli zapśěgnjone“, jo nam groniła Antje Lejniccyna. Dalej jo wóna groniła: „Lětosa smy to pśepódali nowej starjejšynej generaciji“. Łoni su „te nowe“ južo zachopili to wšo na nogi stajaś, ale te „starše“ organizatory su jich hyšći pódpěrali. K tym nowym, ako to organizěruju, słuša Denis Žonopowa. Ten nowy krejz, jo wóna wulicowała, wobstoj ze sedymich familijow. Wóna groni: „My žeńske mamy to grono a wukazujomy našym cłowjekam.“