Móst/Heinersbrück. Nic jano te woglědarje z blišeje wokołnosći, ale samo te partnarskeje gmejny Świdnica w Pólskej su se wjelgin źiwowali, ako su sobotu tyźeń do Mósta na gódowny mark pśijěli. Pśeto ceła wjas jo była tak natłusto ze sněgom pósypana ako niźi wacej! Z kakim gusłowanim tej organizatorce togo 6. marku Babette Lehmannowa a Janett Pomianowa stej ten sněg napórałej, to nicht njewě – to wóstanjo jeju pótajmnosć.