Tśi-peśi kra-kra – ptaškowa swajźba w Janšojcach
Dnja 25. januara jo było tak daloko: gósći su pjeršate cakali na njewjesćinki pórik Hanna a Tobias. Ale nježli až wjeliki źeń jo był, su pśedšularje źiśownje „Lutki“ z Janšojc wjele zepśigótowali. Tak su se zaběrali z pšašanim, kake ptaški su wóstali how w zymje. A chto dej njewjesta abo nawóžeń byś? Za to su se wuzwólili góleśi, ako stej se wósebnje pśi pśigótowanjach napinałej. Wšykne źiśi su zgótowali rule z futerom za ptaški a su je na bomy powjesyli. Su wupytali a nawuknuli spiwy a su baslili pśepšosenja za swajźbu. Vivien jo se něco wósebnego wumysliła: wóna jo natwariła mału a wjeliku ptaškarnju. Wobej stej wurědniłej garderobu we wobcerku pśedšularjow. Starjejšym su źiśi pokazali, co wóni stwórili su.