Z Chóśebuza/Cottbus. Źěłowe město projektowego sobuźěłaśerja w Rěcnem centrumje WITAJ (RCW), kótarež jo wót februara łońskego lěta njewobsajźone, buźo se nejskerjej wót septembera zasej wobsajźiś. Zwězkowe pśedsedarstwo Domowiny jo – pó dłujkem wótlekanju – na njezjawnem wobradowanju kóńc apryla pśistajenju kandidata naslědku zelene swětło dało. Ten votum pak jo wupadnuł snadnje, pśeto zastupniki Dolneje Łužyce su powědali skerjej pśeśiwo kandidatoju, a pśedsedarstwo župy Dolna Łužyca jo we oficielnem pismje formulěrowało měnjenje, źož jo tu personalnu nastupnosć zwězało z pominanjami, kak RCW dej w Dolnej Łužycy źěłaś.