Wustup radušańskich źiśi jo był jaden wjerašk togo 20. swěźenja wustawadlišća. Wóne źowća a gólcy chójźe do źiśownje „Marjana Domaškojc“ we jsy. To jo Witaj-źiśownja, ako jo kradu znata dla woplěwanja serbskeje rěcy a kultury. Te małe su we swójom programje pokazowali, kak zwězane su z luźimi wokoło sebje a z naturu. Toś su žaba, bóśon, liška a gus stojali we srjejźi jich programa.