Cornelia Schnippina ma wjele prědk. Wóna bydli w Ptačecach, tam jo aktiwna w muzeju. Něnt jo se dalšny projekt prědk wzeła: dwór a bolany chrom w Lěskej, źož luba śota Anna (Buley) jo bydliła. Wóna jo była Kusnojc susedka, starych starjejšych Cornelije. Nan wót Cornelije Sch. jo směł wužywaś groźi wót Anny, jo tam měł kónje, kokošy, kacki a kóze. Mała Cornelia jo jomu pomagała. Dwór jo jej był schow, dom jeje starjejšych ga jo był pśeblisko jamy. Bulojc Anna jo njaboga, ale jeje bolany chrom (Schrotholzhaus), brožnja a pódlańske wjažy stoje. Chrom jo 300 lět stary, nejstaršy dom jsy, a stoj pód šćitom pomnikow. „Za co ale jo taki šćit, gaž njamógu schowaś wšo?“ pšaša Cornelia Sch. Wóna co wšo wuchowaś a z togo muzej wugótowaś. Toś jo sobuzałožyła spěchowańske towaristwo „HeimatHOF Lieske e. V.“