We serbskich familijowych mjenjach kaž Kněz, Župan a Starosta su se wuchowali stare pomjenjenja wjednikow serbskich rodow z pśednimskego casa. To groni: pjerwjej, nježli naše strony su wordowali do romsko-nimskego rajcha pśibite a do jogo feudalnych strukturow integrěrowane (10. a 11. stolěśe). Mjenjowědnik prof. Walter Wenzel z Lipska jo wózjawił we casopisu Onomastica Lipsiensia we rědu „Namen und Berufe“ interesantny nastawk, źož jo take mjenja zestajał.