Nowy Ramikowy wucbny plan na gymnazialnem schójźeńku w Bramborskej (RLP GOST BB) za serbšćinu jo wótněnta online a móžo se cytaś pód adresu: https://bildungsserver.berlin-brandenburg.de/unterricht/rahmenlehrplaene/gymnasiale-oberstufe/curricula-gost-bb/. W dołojcnej tabeli namakajo se nowy RLP GOST. Wón płaśi wót šulskego lěta 2018/19 za zawjeźeńsku fazu gymnazialnego schójźeńka (to jo 10. lětnik) a šulske lěto pózdźej za kwalifikacisku fazu (to stej 11. a 12. lětnik).

W nowem RLP wopisuju zasady wucby serbšćiny w sekundarnem schójźeńku II, ako na pśikład fachowe kompetence a wuwijanje tych kompetencow zwězane z móžnymi temami. Pśi tom roze-znawatej se niwowa zakładnego a wugbaśowego kursa a teke serbšćina ako cuza a druga rěc (bok 14). W zakładnem kursu wuknjo se 3 góźiny a we wugbaśowem kursu 4 góźiny wob tyźeń.