Pśechwatanje pód stareju šulu

Awtor: Werner Měškank srjoda, 15. awgust 2018
Chrósćicy: Rowowe kamjenje z kołom, sekeru a kśicu z 11./12. stolěsa.

W lěśe 2004 su w górnoserbskej jsy Chrósćicy wóttwarili staru šulu z lěta 1837. Twarske źěłaśerje su pśi tom z fundamentow něgajšnego kubłanišća wuśěgnuli styri wjelike kamjenje a su se źiwali: Su wiźeli wšake zadłypane znamjenja. Pó-znali su kśice, koło a sekeru. Na to su pśijěli fachniki, aby sebje wšo bližej wobglědali. Wóni su zwěsćili, až su to kamjenje na rowy z 11. a 12. stolěśa. Ze samskego casa póchada teke kamjeń pśed noweju šulu.

Za zdaśim su to znankstwa, až běšo tegdy kśesćijaństwo južo tudejšnych Serbow tataństwo wutłocyło. Druge słowjańske rody w Mecklenburgskej, na pódpołudnju Bramborskeje a w Pómórskej ga su tegdy hyšći wójowali wó zachowanje pśedkśesćijańskeje wěry.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś