Źinsa comy wobspomnjeś w Casniku, mimo wósebneje góźby, Kita Gryza, wucabnika a kjarližarja, kótaryž jo w lětach 1782‒1850 ceptarił w Žylowje. Jogo njedejśo zaměniś z Mjertynom Gryzom z Hochoze, ako jo ceptarił w Nowej Jsy a tejerownosći rědne kjarliže pisał (k cesći togo Mjertyna Gryza budu we oktoberu wuswěśiś pśi jogo narodnem dwórje w Hochozy cesnu toflu, a my buźomy teke wót njogo skóro pisaś). Lěc wobej Gryza stej byłej pśi swójźbje, to njejo wěste ‒ mimo jadnakego familijowego mjenja njejo nic, ako by taku pśiswójźbnosć wopokazało. Toś ten tekst wót Kita Gryza jo wordował lětosa we februaru w serbskem radiju rbb wusćełany.