Ze Złego Komorowa/Senftenberg. Domowina organizěrujo pśiducy stwórtk a pětk na BTU w Złem Komorowje, we kooperaciji z projektom Zukunftswerkstatt Lausitz, wósebnu góspodarsku konferencu „Quo vadis, Łužyca?“ Jeje tema: Dalšne wuwiśe góspodarskich strukturow ze serbskeje perspektiwy.
Kak jo k tej ideji pśišło? Źěłarnja Zukunftswerkstatt Lausitz jo wordowała załožona, aby wuźěłała wiziju pśichoda za Bramborsku a Saksku: Co dej se cyniś, aby to pśeměnjenje góspodarskich strukturow, we casu wótstupowanja wót wugla, se nejlěpjej raźiło?