Z Popojc/Papitz. Južo wjele mjasecow jo ceła wjas se akribiski pśigótowała na łapanje kokota. Tradiciske towaristwo jo k 8. razoju jo pśewjadło. Teke lětosa su se na njom žeńske wobźělili: dwě rejtarce a pěśo rejtarje. Mjazy nimi: 15lětna Schulzojc Rommy jo se wěriła prědny raz rejtowaś na kó­nju pśez cesne wrota. „Ja rejtuju wót pětego lěta mójogo žywjenja a som na našom dwórje z kónimi górjej rosła“, wulicujo wóna nam. Bóžko, naslědku su jej felowali někotare centimejtarje, aby dosegnuła tu głowu. Tu samu jo wótrył Robert Anskat, z rodom z Barbuka. To jo jogo prědne dobyśe pśi łapanju kokota. Wón jo južo nazgónjony rejtaŕ. „Pjerwjej nježlic som pśeśěgnuł do Popojc, som cesto w Barbuce kokota łapał. Drugi a tśeśi kral som južo žedne raze wordował, ale akle lětosa som dobył cesć prědnego krala“, wjaseli se wón.