Z Hochoze/Drachhausen. Nowa cesna tofla tudy najsy dopomina wótněnta na Mjertyna Gryza (1818–1878), nowsańskego wucabnika, kótaryž jo se w Hochozy naroźił. Jogo mě jo zapisane do serbskeje historije Dolneje Łužyce: Wón jo zawóstajił wjele kjarližow a spiwanjow, originalnych serbskich a z nimskeje rěcy pśe-stajonych, ak su pjerwjej byli we ludu rozšyrjone a znate.

To wótekšyśe tofle jo se stało sobotu na pógónjenje Marije Elikowskeje-Winkleroweje, něgajšneje wjednice Šule za dolnoserbsku rěc a kulturu. Jadnab 60 luźi jo pśišło – mjazy nimi někotare z Noweje Jsy, źož Gryz jo 30 lět ceptarił – kaž teke direktorka picańskego amta Elvira Hölznerowa a šołta gatojskeje gmejny Helmut Geissler. Hochoski šołta Fryco Wojto jo tu serbsku fonu, z kótareježu tofla jo była pókšyta, wośěgnuł dołoj, pśi tom su tšubili cłonki pozawnowego chora picańskeje wósady.