Z Města/Cottbus. We wjelikej pyšnosći su se prezentěrowali 10. oktobra rumnosći Serbskego muzeja na Młyńskej droze. Tam su pśisamem dwě lěśe dłujko saněrowali ceły dom.

Twarske źěła su byli notne, dokulaž kśě tam instalěrowaś nowu stawnu wustajeńcu. Za tu pak njejsu byli rumnosći togo starego twarjenja na dosegajucem stawje. Skablowanje za medijowu techniku jo docełego felowało. Elektriske skablowanje jo było pśesłabe za źinsajšnu techniku muzejow. Nejwětšy problem pak su byli statiske słabosći. Murje k Młyńskej droze su musali zakokuliś, aby je skšuśili. Za to su špundowanja we wšakich rumnosćach wótpórali a zelezne žerźi zatwarili.

Na kóńcu su dostali sćěny kšasne wumólowanje. Teke drjewjane delki špundowanjow su wótocyli a nowo lakěrowali. Wšykno su južo tak pśigótowali, až mógu nowu wustajeńcu do tych śpow zatwariś. Samo blido za kasěrowanje a witanje gósćow južo stoj.