Z Janšojc/Jänschwalde. Iniciatiwa za Serbski sejm jo tudy wabiła k wuzwólowanju Serbskego sejma. Jeje powědaŕ Hanzo Wylem-Kell (ak sam za Serbski sejm kandiděrujo) jo organizěrował stwórtk tyźeń na farje informaciski wjacor.
Pśišli su teke styrjo dalšne kandidaty, kótarež za sejm kandiděruju: Christoph Haensel ze Złego Komorowa, Dirk Pawlik z Myšyna (wobsednikaŕ młyna), a Pjeńkojc Edith a Kito z Rownego. Mimo góspodarja, fararja Ingolfa Kśenki, ak Serbski sejm zjawnje pódpěra, su pśišli tśo interesěrowane pśisłucharje: Siegfried Krawc z Janšojc, Manfred Hobliž Barbuka a Frank Kósyk z Kopańcow.