Z Chóśebuza/Cottbus. Filmowa pśeglědka jo była 5. nowembra zasej wjerašk za filmarje našogo regiona a lubowarje krotkich filmow wót how. Jo ga ekstra myslona za filmowych lajkow abo połlajkow, kótarež kśě prědne wuźěła we pšawem kino prezentěrowaś. Pśidatnje k tomu maju móžnosć dobyś jadno tych tśich mytow.
Załožba za serbski lud pósćijo myto we wusokosći wót tysac euro. Kótary film myto dostanjo, rozsuźijo jury. Wóna póstajijo teke, chto dostanjo głowne myto. Z Isu Micklitzu a Romanom Pernakom stej lětosa ned dwa luźa pśipódla byłej, kótarejž se wuznajotej z dolnoserbskeju rěcu a kulturu.