Z Chóśebuza/Cottbus. Našo dolnoserbske mustwo „Serbske koparje/Wendische Auswahl“ změjo 9. nowembra w Dešnje zgromaźinu cłonkow. Jaden dypk togo zmakanja buźo, lěc mógu se Serbske koparje wobźěliś na europskich mejstarstwach w balokopanju narodnych mjeńšynow Europeada. Te budu w juniju 2020 w Korutańskej.

Wóni južo wjelgin pilnje za to treněruju a se pśigótuju, aby mógali tam pódla byś. Ale tak lažko to njejo. Za Europeadu pśizwóliju zwětšego jano jadno mustwo wót kuždeje mjeńšyny. Górnoserby pak maju swóju „Serbsku wubranku“, ako jo se južo tśi raze tam wobźěliła. A wóni kśě, se wě, teke 2020 na Europeadu.