Mamy nowy mjasec, toś jo k nam teke doleśeł nowy Rozhlad. Co jo pódla za Dolnoserba?

Comy groniś, až tencas jo naš „Serbski kulturny casopis“ pśisamem „Janašowy casopis“. Rozmej: na pěś bokach z nim jo interview wótśišćany, ako redaktorka Sara Mičkec jo z tym chóśebuskim awtorom měła, a to w górnoserbskej rěcy. Rozgrono stoj pód nadpismom „Z Kosykom dóstanje wopisowanje w serbskej literaturje filozofiski a začućowy pozadk“. Tam źo wó tom, až łoni jo wujšeł pó 25 lětnem źele źewjety (a teke slědny) zwězk spisow basnika Mata Kosyka we wudawarstwje Pětša Janaša a Rolanda Martija.