Z Dublina we Irskej. Wót 2. až do 4. nowembra su se tudy reprezentanty europskich mjeńšynow zmakali z iniciatiwy ELEN (European Language Equality Network, Europska seś za rownopšawnosć rěcow) jo była w lěśe 2011 natwarjona ako naslědnica něgajšnego EBLUL (European Bureau for Lesser-Used Languages, Europski běrow za mjenjej trjebane rěcy [1982–2010]). Jeje cil jo, kontakty mjazy mjeńšynami na pšawniskej rowninje stwóriś. Organizatora stej lětosa towaristwo za irsku rěc „Conradh na Gaeilge“ a jich pśedsedaŕ Ciarán Mac Giolla Bhéin.
Mjazy drugimi su se rozgranjali wó mjeńšynowych nastupnosćach, wó pśichoźe irskeje rěcy a Brexitu, wó pšašanjach w Katalońskej, źož luźe protestěruju pśeśiwo popajźenju politiskich reprezentantow.