Gódy mamy dla naroźenja źiśetka Jezus

Awtor: Jesus Christ superstar srjoda, 19. december 2018
Ako Bórkowaŕku jo sebje pśedstajił Měrćin Nowak-Njechorński tu Marju. Wobraz z titelom „Gódy w Błotach“ jo nastał w lěśe 1947. Foto: Serbski muzej Budyšyn

Lětosa jo se nam ku gódam něco wjelikego wobraźiło: Mamy Bóže słowo w našej aktualnej dolnoserbskej rěcy k dispoziciji. Comy tu góźbu wužyś, aby toś ten tekst ku gódam wózjawili. Wón jo napisany pla ewangelista Lukasa w drugem stawje.

1. Wóno pak se stanu we tych samych dnjach, až pśikazń wót kejžora Augustusa wujźe, aby wšyken swět zapisany wordował.

2. A to zapisowanje běšo to prědne, a stanu se, gaž Cyrenius Syrisku zemju zastojašo.

3. A wšykne źěchu, aby se dali zapisaś, kuždy do swójogo města.

4. A Jozep źěšo tež z Galilejskeje, z togo města Nacareta, do Žydojskeje zemje k tomu městu Dabita, kótaremuž gronje Betlehem, togodla až wón z teje wjaže a šlachty Dabita běšo, aby se dał zapisaś z Mariju, swójeju zlubjoneju žonu, kótaraž samodruga běšo. A wóno se stanu, gaž wónej tam běštej, wordowachu te dny dopołnjone, až wóna póroźiś derbješo.

7. A wóna póroźi swójogo syna, togo pjerwopóroźonego, a pówi jogo do pjeluchow, a połožy jogo do žłoba, togodla až za nje žeden rum we tej góspozy njeběšo. A pastyrje běchu we tom samem kraju na pólu pśi tych buchtach, a wobzwarnowachu nocy swóju rědownju.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś