Z Pódstupima/Potsdam. Łužyca grajo tuchylu w pódstupimskiej a samo w barlinskej politice wětšu rolu. Wina na tom jo strukturna změna a lěpšyna za Serbow we tom jo, až se teke na nas glěda.

Dla sturkturneje změny jo pśi-stajił ministarski prezident Woidke jadnogo zagronitego za Łužycu. To jo Klaus Freytag, kótaryž jo był wjele lět šef amta za górnistwo. Freytag sejźi wót julija 2018 we swójom běrowje na chóśebuskej Gołbinskej droze. Krotko do gód jo dał Freytag rozpšawu k strukturnej změnje. (www.parlamentsdokumentation.brandenburg.de/parladoku/w6/drs/ab_10200/10238.pdf) Wó tom su diskutěrowali 30. januara w krajnem sejme.