Z Błobošojc/Bloischdorf. Wuběrk za nastupnosći Serbow wokrejsa Sprjewja-Nysa (SPN) jo wobradował 6. februara w Błobošojcach. Tam su se cłonki wuběrka a gósći nejpjerwjej woglědali tamny muzej. To jo wjelika brožnja a pópšawem dej tam nastaś raz ceła muzeumowa wjas. Ale za to te mócy tuchylu njedosegaju. Maju we tej brožni wósebne rožki, na pśikład historisku bursku kuchnju. Ze stareje pjakarnje jo ten wobrěd a mógu sami swój klěb pjac. Wence jo pjac a na zarědowanjach mógu we njom až do 30 klěbow wupjac. Póbituju tam rědne dožywjenje za kupki źiśi, młodostnych a dorosćonych. Luźe, ako su to južo dožywili, su gronili, až tamny klěb wjelgin derje słoźi.

Wót apryla do oktobra maju w muzeumowej brožni njepołno źěłajucego, kótaryž zmóžnijo wótwórjeński cas pśisamem kuždy źeń. Źiśownjam a šulam pórucyjo wón wšake projekty, na pśikład „Vom Hühnerei zur Sorbenkunst“.