Ze slědnym dnjom starego lěta jo se teke zakóńcyła akcija Kukojskich pšašakow. Wuslědki comy how wózjawiś: Na pšašanje „Cu ja TOŚ TEN Serbski sejm?“ jo nagromadu 1.314 luźi z adresu a pódpismom wótegroniło. Z togo jo 1.248 wósobow, pótakem něźi 95 procentow, sajźiło swóju kśicku pla ně, 66 pla jo. Wětšyna pódpismow jo se nazběrała w górnoserbskich jsach, źož hyšći wětšy źěł luźi serbski powěda. Zběrało pak jo se teke wokoło Kulowa, Slěpego a w Budyšynje. W Dolnej Łužycy jo se nagromaźiło 102 głosow, z nich jo był jadnučki za jo.

We prědnej medijowej informaciji smy formulěrowali, až comy zwěsćiś, lěc akceptěruju Serby tak pomjenjony Serbski sejm we tej formje, w kótarejž jo mjaztym se wutwórił, ako swójo zastupnistwo abo nic. Wjelika wětšyna napšašowanych jo se rozsuźiła za to druge. Wažnjejše nježlic same licby pak zdaju se nam nazgónjenja, kótarež smy pśi zběranju gótowali. My źe smy wědobnje se rozsuźili za wósobinske napšašowanje, za direktne rozgrono z luźimi. W pśiducych smužkach comy zgromaźone informacije, mysli, nastajenja a měnjenja zespominaś: