Wjednik chóśebuskego běrowa Domowiny Marcus Końcaŕ pśi mikrofonje, za blidkom sejźitej zagronita za młoźinske źěło w měsće Franciska Albertowa a dolnołužyski župan Wylem Janhoefer. 
Tudy comy wótśišćaś dalšne powěsći wót głowneje zgromaźiny župy Dolna Łužyca pśed dwěma tyźenjoma w Bórkowach.
Franciska Albertowa jo pśistajona župy za młoźinske źěło w měsće. Wóna jo wulicowała na zgromaźinje wót łońskich projektow. To su byli ekskursije, zmakanja we ferijach a zgromadne akcije z pólskeju młoźinu, kaž teke pyšnjenje jatšownych jajow a pśedstajenje praktikumowych městow we serbskich institucijach abo wopóznawanje wuknikow ze serbskim žywjenim w měsće.
