„Derje, až pla Serbow žeńske režiju maju“

Awtor: Ines Neumannojc stwórtk, 14. měrc 2019

Z Wórjejc/Hoyerswerda. Pśi góźbje mjazynarodnego dnja žeńskich 8. měrca jo wózjawił Marcel Braumann, župan župy „Handrij Zejler“ z wórjejskich stron, póstrowne słowo serbskim žeńskim. We njom jo měnił, až pla Serbow maju žeńske režiju – „a to jo derje tak“!

Braumann jo pokazał na to, až wórjejske župne pśedsedaŕstwo ma źewjeś cłonkow a wót nich jo sedym žeńskich. Wót tych 16 delegatow, kotarež budu na głownej zgromaźinje 30. měrca w Chrósćicach, buźo 12 žeńskich, jo župan pódšmarnuł.

Dalej jo Braumann měnił, až take něco jo typiske pla Serbow: Serbowki nawjeduju Ludowe nakładnistwo Domowina, Rěcny centrum Witaj a Serbski muzej. W Ludowem ansamblu se „kněžy“ žeńska a za serbske inscenacije serbskego źiwadła jo teke žeńska zagronita.

Wórjejski župan jo gódał, lěc njejo dla tog to serbske mjazsobne žywjenje we takej wjelikej měrje wusměrjone na wurownanje a měrniwe mjazsobne wobchadanje. Dokulaž žeńske zagranicuju muskece mócy na wšyknach rowninach.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś