Dešno se broni

Awtor: Ines Neumannojc stwórtk, 11. apryl 2019
Pśigótuju se na zwězkowe wuběźowanje (wótlěwa: Kerstin Möbes (bórkojski amt), Simone Schöckel (LELF), Helke Elsner (MLUL), zastupna šołtowka Dešna Katja Hoffmann a šołta Fred Kaiser w muzeumje Dešno. Su sebje nejlěpšu strategiju wutichtowali, kak kśě Dešno prezentěrowaś pśi woglěźe jury zachopjeńk julija. Foto: I. N.

Z Dešna/Dissen. Dešno ma zasej wjele prědk. W lětosnem wuběźowanju „Naša wjas ma pśichód“, ako se pśewjeźo w cełej Nimskej, kśě dobyś złoto. To by pón było tśeśa wjas w Bramborskej wót wobstaśa našogo kraja a prědna łužyska wjas. Tšupc ga jo dobył pśi slědnem wuběźowanju slobro.

Až take něco njejo lažko, to se rozmějo. Dla tog dostanu Dešanarje pódpěru wót bórkojskego amta, wót wokrejsa Sprjewja-Nysa a samo wót kraja (glědajśo na foto). Dla tog su se zmakali 28. měrca Kerstin Möbes (bórkojski amt), Simone Schöckel (krajny amt za nakrajne wuwiśe a rolnikaŕstwo LELF), Helke Elsner (ministaŕstwo za nakrajne wuwiśe, wobswět a rolnikaŕstwo MLUL), zastupna šołtowka w Dešnje Katja Hoffmann a šolta Fred Kaiser w muzeumje Dešno. Kněni Schöckel a kněni Elsner stej zagronitej w Bramborskej za to wuběźowanje.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś