Roswita Klajcowa/Kleitz z města sobu nawjedujo agenturu „media GmbH“. Ta organizěrujo a pśigótujo wšake kulturne zarědowanja a programy. Lětosa jo měła mjazy drugim k jatšam to zarědowanje „Lausitzer Walleien-Wettbewerb“ na starosći, kótarež jo se wótměło 14. apryla w nakupowańskem centrumje „Łužyski park“ (w Casniku smy wó tom pisali).

Ako partnaŕku jo se Roswita Klajcowa za to wupytała Domowinsku župu Dolna Łužyca. Karin Tšukowa, regionalna powědaŕka župy, jo ned pśigroniła, a jo mjazy drugim pśiglědarjam w tej kupnicy wšake wulicyła wó serbskej kulturje a rěcy a jo teke sobu mytowała dobyśarjow pśi walkowanju.