Susan Šenkec jo zasej pśedsedaŕka Załožboweje rady

Awtor: Ines Neumannojc stwórtk, 16. maj 2019
Direktor Załožby za serbski lud Jan Budar (napšawo) jo gratulěrował pśedsedaŕce Susanje Šenkec a Holgeroju Kelchoju, kenž jo jeje zastupnik. Foto: M. Bulank/sn

Z Budyšyna/Bautzen. Na prědne pósejźenje we wósymej legislaturje (2019–2023) jo se zmakała 7. maja Rada Załožby za serbski lud.

Ako swóju pśedsedaŕku su sebje wuzwólili Susan Šenkec, kótaraž jo była južo w slědnej legislaturje pśedsedaŕka. Jeje zastupnik jo Holger Kelch, wušy šołta města Chóśebuz.

Dolnoserbskej cłonka stej Marcus Koncaŕ a Frank Kosyk ze zastupnicoma Babette Zenkerowa a Diana-Susanne Šejcowa.

We załožbowej komisiji, kótaraž pśigótujo pósejźenja a wobzamknjenja Załožboweje rady, su mjazy drugim Marcus Koncaŕ a Frank Kosyk ako zastupnika Dolnoserbow kaž teke Clemens Neumann ako zastupnik kraja Bramborska. Wón źěła w kulturnem ministaŕ-stwje w Pódstupimje.

Wažny tema prědnego pósejźenja jo było wupisanje jadnaŕstwa Ludowego nakładnistwa Domowina (LND). Jadnaŕka Marka Maćijowa jo źo do junija 2020 na wuměńk. Załožbowe zastojnstwo dej to město skóro wupisaś, aby załožbowej raźe mógali na nazymskem pósejźenju faworita pśedstajiś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś