Źo lažy Rethra, ta wót chronistow 10. a 11. stolěśa wobspomnjeta swětnica (Heiligtum) słowjańskego rodu Redarjarjow? Na to pšašanje jo wopytał wótegroniś dr. Rolf Voß, wjednik regionalnego muzeja w Neubrandenburgu. Wón jo źaržał referat na kolokwiumje pśi góźbje srjejźowěkowego swěźenja we wjasce Stary Lud kóńc maja.
Zaprědka dej se kradu groniś: Rethra njejo wordowała hyšći namakana, a gaž se to raz stanjo, buźo to zawěsće archeologiska sensacija. Dr. Voß jo citěrował tu powěsć wót Rethry, ako se namakajo we chronice Thietmara von Merseburg, spisana mjazy 1012 a 1018: