Z Pódstupima/Potsdam. Domowina a bramborska Serbska rada stej formulěrowałej swójo oficielne měnjenje k ewaluaciji serbskeje wucby, ako jo se we slědnych lětach pśewjadła a lětosa wózjawiła (Casnik jo pisał).

List na bramborsku ministaŕku Brittu Ernstowu su pódpisali pśedsedaŕ Serbskeje rady Torsten Mak, pśedsedaŕ Domowiny Dawid Statnik, dolnołužyski župan Wylem Janhoefer a wjednica Rěcnego centruma Witaj dr. Beata Brězanowa.