Z Drježdźan/Dresden. 1. septembra njejsu jano w Bramboŕskej wuzwólowanja krajnego sejma, ale na pśikład teke w Sakskej. Tam su tradicionelnje teke Serby zastupjone. W aktualnej legislaturje su to Hajko Kozel (Lěwica), Alojs Mikławšk (CDU) a Marko Šiman (CDU).

Až w krajnem sejmje su zastupniki Serbow, to jo njecwiblujucy dobra a notna wěc za Serbow. Sakski krajny sejm ma zadoru wót pěś procentow, ako musy jadna strona pśewinuś. W Bramborskej jo pśistup narodnych mjeńšynow lažćejšy. Dlatog jo w Sakskej pśistup na lišćinje jadneje regularneje strony jadnučka móžnosć za zastupjenje pšawa Serbow ako parlamentarijaŕ.

Njeglědajucy na to mógu teke nimske wótpósłane za pšawa Serbow zagronite byś a se staraś. W Bramborskej, źož njedajo serbske wótpósłane, jo to ten nałog. Nazgónjenja z tym su wšake. Někotare parlamentarijarje se wjelign derje staraju, druge nic. Rozsudnje jo pla kuždego, ako se procujo, w kótarych seśach wón móžo wliw wugbaś. Raźiś se budu serbske procowanja nejlěpjej, gaž maš wěcej stronow, ako tu wěc pódpěruju.