NC: Wót 12. do 15. junija jo Federalistiska unija europskich narodnych mjeńšynow (krotko FUEN) pśewjadła swój lětosny kongres w Słowakskej, a to ako jubilejny kongres. Dla cogo to?

Marcus Końcaŕ: FUEN bu załožona rowno pśed 70 lětami, a to we Versailles pla Parisa w Francojskej. Z tym su kśěli zgromadnosć wšych tych wušej 300 narodnych mjeńšynow a etniskich kupkow w Europje twóriś a zmócniś a z tym teke jich zgromadne wójowanje za rownopšawosć a spěchowanje. Mjaztym jo FUEN nejwětše a nejmócnjejše kšywowe zjadnośeństwo (Dachverband) narodnych mjeńšynow w cełej Europje, jo, na cełem swěśe. Jim pśisłuša wušej 100 mio. luźi. To groni, až njejsmy ako Serby sami!

FUEN jo wót lěta k lětoju rosła. Do njeje słuša tuchylu pó 70 lětach 103 organizacijow a towaristwow awtochtonych narodnych mjeńšynow ze 35 europskich krajow, to groni, nic jano z Europskeje unije.

Wjele z nich jo se pón wobźěliło na kongresu w Słowakskej?