Z Budyšyna/Bautzen; Hochoze/Drachhausen; Chrósćic/Crostwitz. Zachopjeńk julija jo był ten XIII. mjazynarodny folklorny festiwal „Łužica – Łužyca – Lausitz“. Styri dny su swěśili w Budyšynje, Hochozy a Chrósćicach. Z nowym rekordom woglědarjow (22.000) a wušej tysac sobustatkujucymi jo to było wót licbow nowy rekord. Ale teke atmosfera jo była kradu dobra. Nowy Casnik jo se wudał do Hochoze a Chrósćic a jo swójim cytarjam wjele fotow sobu pśinjasł.