Z Města/Cottbus. Serbski muzej na Młyńskej droze wochylu njejo wótcynjony – ale how dalej źěłaju! Mjazy sobuźěłaśerjami jo w slědnyma tyźenjoma praktikant był, Elias Bisse ze Žylowa. Wón jo 18 lět a jo abiturient Dolnoserbskeg gymnaziuma (DSG). Kuratorka muzeja Christina Kliemowa jo se jomu pśigroniła, a wón jo „jo“ gronił. Wšak powěda derje serbski a jo w slědnych lětach za młody magacin serbskeg rozgłosa „Bubak“ źěłał. W muzeju jo inwentarizěrował a digitalizěrował wobstatk, a Christina Kliemowa jo wjelgin spokojna z nim była. Teke praktiske źěło jo wobstarał, jo objekty Fontanoweje wustajeńce sobu wóttwarił a slědk wjadł do Serbskego muzeja a tak dalej.