Na žnjownem swěźenju w Janšojcach jo młoźina ze jsy (jadnasćo źowćow w serbskich drastwach a 12 gólcow) śěgnuła na swěźeńske naměsto. Chtož jo se źiwał, až mjazy serbskimi drastwami su teke tirolske drastwy byli: To su byli gósći z awstriskego źěła Tirolskeje, ze Scheuringen. Wšak jo był žnjowny swěźeń na dnju do wjelikego dujaŕskego swěźenja we jsy (wó tom buźomy pisaś w pśiducem Casniku). Janšojske su młodych gercow tirolskeje kupki „HoizBlechMusi“ zapśěgnuli do swójog swěźenja (sobotu wjacor jo w swěźeńskem stanje teke Patrick Lindner sobu rejował, wósebny gósć dujaŕskego swěźenja). Tirolske su wobźiwowali to rejtowanje a su se źiwali, až pšawy kokot wisy na wrotach, jo wulicowała Silva Oehlertojc (šefowka janšojskeje młoźiny). Teke to karowanje žabow jo se jim njewšednje zdało. „Tirolaŕki su se žadali a njejsu na zachopjeńku kśěli pśimjeś žaby. To jo woglědari kradu rozluštowało“, jo Silva groniła.