Z Trjebina/Trebendorf. Pśedslědnu njeźelu jo trjebinska Domowinska kupka na tradicionelny nalětny koncert pśepšosyła. Wustupił jo měsćański chor Běła Wóda pód wjednistwom Larsa Dekego. Chorowe cłonki su prezentěrowali nalětne spiwy, změstymi teke take, ako su wóni měli nowo w swójom repertoire. A wjeliki ga jo jich repertoire, kaž jo programowy cedlik pśeraźił.

Trjebinske su pśichwatali we wjelikej licbje. Pó koncerśe su se wjaselili kafejoju a tykańcoju ako teke towarišnej wuměnje. Koncert jo se wótměł w domje towaristwow. „Něnto ma apryl taku lěśojsku lawnu, ale tu njejo nichten pśedwiźeś mógał. Njejsmy kśěli se na žeden riziko daś“, jo groniła pśedsedaŕka Domowinskeje kupki Angelika Balzkowa.