Z Dešna/ Dissen. We aprylu se zachopijo južo wósymy mjasec projekta Zorja. Kuždy źeń se zmakajo dwanasćo wobźělnicow a wobźělnikow w Dešnje, aby pó imersiwnej metoźe dolnoserbsku rěc nawuknuło. W měrcu pak jo wóstało rěcne gnězdo zwětšego prozne. Zorjacki a Zorjaki su se wupórali na praktikum! Z tym su měli móžnosć do serbskego źěłowego swěta zanuriś a snaź teke pśez to swójo pśichodne źěło namakaś. Praktikumowe města su byli mjazy drugim Serbski muzej w Chóśebuzu, RBB (serbski rozgłos a magacin Łužyca), Rěcny centrum WITAJ, serbske źiśownje abo Domowina, w Chóśebuzu tak ako w Budyšynje.
Domowina Budyšyn