Z Brězowki/Halbendorf. Wiki jatšownych jajow w Brězowce su se wótměli palmicu we 27. wudaśu. W lěśe 1996 jo domowinska kupka je prědny raz na nogi stajiła. K źinsajšnym organizatoram słušaju wšykne towaristwa Brězowki a dobrowólna wognjowa wobora. Toś ta zgromadnosć se stara kužde lěto wó tšojenja w Starej šuli k palmicy. Teke lětosa jo how pśichwatało wjele woglědarjow. Wjele luźi dokradnje jo pśišło, njejo nichten licył, pśeto njewzeju zastupne pjenjeze za jatšowne wiki w Brězowce. Wšak jo był južo pśi wótwórjenju wjeliki nawal. Južo w prědnej góźinje jo pśišło 355 woglědarjow – jich su hyšći licyli, pón su wopśestali. Jano z pówoblicenim (Hochrechnung) až do zeger 17:00 by mógała se ta licba taksěrowaś.