Z Chrósćic/Crostwitz. Pśigótowanja za pśiducy mjazynarodny folklorny festiwal su se zachopili. Pśedslědny pětk jo Zwězkowe pśedsedaŕstwo Domowiny nowy pśigótowański wuběrk festiwala schwaliło. We njom statkuju pśedsedaŕ rejowańskeje kupki Smjerdźaca/Schmerlitz e.V. Gabriel Krawc, pśedsedaŕ Serbskego Folklornego ansambla Wudwor/Höflein e.V. Błažij Handrik, šołta gmejny Chrósćicy/Crostwitz Marko Kliman kaž teke Katharina Jurkowa a Pětr Brězan z boka Domowiny. Wałtoru tyźeń su cłonki wuběrka prědny raz wobradowali a pśi tom nowe wjednistwo wuzwólili. Jo pśewzejotej wótněnta dwě wósobje – Katharina Jurkowa a Pětr Brězan gromaźe.
Do pśigótow za znowski festiwal su pak teke dalšne jadnotliwce, serbske towaristwa a institucije zawězane. Mimo sobuźěłaśerjow Domowiny su na pśikład zastupniki gmejny Hochoza/Drachhausen, žurnalisty, młodostne, technikarje kaž teke Serbski ludowy ansambel na tom wobźělone. Z tym kśě teke dojśpiś, až jo Folklorny festiwal NAŠ gromadny serbski festiwal, kenž jo daloko pśez granice Łužyce znaty.