Prědny raz jo se pśewjadł srjodu, dnja 17.05.2017 dalejkubłański źeń za sobuźěłaśerki a sobuźěłaśejow Statnego šulskego amta Chóśebuz ze serbskeju temu. Iniciatiwa za to jo wujšła ze Źěłanišća za serbske kubłańske wuwijanje Chóśebuz (ABC), kenž źe jo organizatoriski toś tomu amtoju pśirědowane. Rowno pśed lětom jo tam nastała mysl, tych wopóznaś ze serbskim žywjenim, kenž su zagronite mjazy drugim za wšykne šule, źož se wucy serbska rěc. Pśisamem 40 wót něźi 70 pśistajonych amta jo se na ekskursiji wobźěliło.